AI 口播剪片法｜開拍 App 實測教學

想將口播片剪出「網感」但又唔想花太多時間？我試過一個手機 App，由自動剪走停頓到加動畫模板，全程幾分鐘搞掂。以下係我嘅實測記錄，包括操作步驟、優缺點同適唔適合你嘅分析。

開拍係乜？

開拍（Kaipai）係由美圖公司（Meitu）推出嘅 AI 口播影片製作 App，
整合咗多個 AI 模型，包括 DeepSeek、Seedance 等，背後嘅技術基礎係中國內地。

App 嘅核心功能叫做「網感剪輯」
——佢會自動識別你影片入面嘅講話內容，建議你刪走停頓同贅詞，
再幫你套上動畫模板，令口播片即刻有「社交媒體感」。

整體風格係偏向小紅書美學，不過最近佢都有加入一啲貼近 IG 感嘅模板，算係有擴闊緊受眾。

免費帳戶大概可以試到一至兩條片，試過覺得啱用再考慮付費。

操作步驟

第一步：下載開拍 App

App Store 同 Google Play 都有得下載，搜尋「開拍」即可找到。

第二步：選擇「網感剪輯」

打開 App 之後，揀選「網感剪輯」功能入口，然後將你已經拍好嘅完整口播影片 upload 上去。

第三步：AI 自動偵測內容

Upload 完成之後，App 會自動識別你影片裏面嘅說話內容，
並且建議你刪除停頓位置、語氣詞、贅詞等地方。你可以逐項確認，決定保留定刪除。

呢個步驟係整個流程最省力嘅部分
——以往你要喺 CapCut 逐格逐格剪，宜家佢幫你自動標記，你只需要 review 同確認。

第四步：選擇「網感範本」

確認完剪輯位置之後，選擇你想要嘅「網感範本」風格。

如果你想要比較接近 IG 感而唔係純小紅書感，可以留意以下幾個模板：

第五步：等待生成

揀好模板之後，等 App 自動生成影片。完成之後可以預覽效果，唔滿意可以換另一個模板再試。

實測感受

優點

真係超級懶人。 由 upload 到出片，操作流程非常簡單，
即使唔識剪片都搞掂。特別係自動偵測刪除停頓呢個功能，幫你省返大量手動剪片時間。

有模板預覽，唔使盲估。
每個模板都可以先預覽效果，唔係你估估吓先知靚唔靚，選擇上比較安心。

繁體中文識別。 根據其他用家反映，App 對繁體中文嘅字幕識別係有支援的，
廣東話 / 繁體用家唔需要擔心完全識別唔到。

缺點

部分模板唔支援繁體字。
有啲模板套用之後，入面嘅字幕或者字效會自動轉成簡體字，你需要自己逐行對返、手動改番繁體，比較費時。

字幕處理係難題。
自動生成嘅字幕位置、大小、樣式有時唔係太合適，需要自己再調整，未必可以直接 output 就用。

整體感覺太小紅書。
呢個係最大嘅問題。App 嘅視覺風格、字效、動畫設計，
明顯係為小紅書用戶而設計，對於香港觀眾嚟講，
睇到呢個風格可能直接有「呢條係大陸嘅嘢」嘅感覺，然後碌走。