專屬AI 數據分析庫

一個為 Wander Lab 學生而設嘅 AI 數據分析庫

如果你有做內容，你大概試過呢個情況：

一日開三次 IG 專業帳戶睇 insight，見到「呢條 Reels 有 2,000 觸及」
——然後呢？好定唔好？同上星期比點？點解嗰條得 800？

你有冇試過連續三個月，每個星期都認真睇一次自己嘅數據？

大部分人冇。唔係因為懶，係因為數據散喺五六個唔同 app 度，
而且淨係俾你數字，唔會話你知點解同下一步做乜。

所以我整咗呢個工具。

個APP做緊咩？

一個 dashboard，睇晒你所有平台。

Instagram、Threads、Facebook / Meta 廣告、YouTube、Google Ads、Google Analytics、Search Console、Google 商家檔案
——你有邊個就連邊個，全部數據集中喺一頁。每日凌晨自動更新，你唔使做任何嘢。

但重點唔係「集中」，係「睇到你平時睇唔到嘅嘢」。

舉幾個真實例子（我自己個帳戶嘅數字）：

• 互動結構：
  我 90 日嘅互動入面，「分享」佔 37.7%、「儲存」佔 29.5%，「讚」得 28.2%。呢個訊號好重要
  ——代表我啲內容係「有用到要收埋」同「想 share 俾人」嗰類，
  唔係「順手撳個心」嗰類。你估到自己嘅比例咩？
  

• 內容類型對比：
  我 Reels 平均觸及 13,362，圖文係 1,852。相差 7 倍。
  呢個數字直接決定我下個月應該點分配時間。
  

• Reels 觀看深度：
  條片嘅「觀看次數 ÷ 觸及人數」。如果係 1.5x，即係平均每個人睇咗一次半
  ——有人重複睇。呢個係 hook 夠唔夠力嘅硬指標，IG 自己個 app 唔會咁樣計俾你睇。
  

• Hashtag 表現：
  邊啲 hashtag 帶到最高平均觸及，由高至低排。唔使再靠感覺揀 tag。
  

• 逐篇貼文嘅分享率、儲存率：
  唔止俾個絕對數字你，仲換算成百分比。
  我發現有一條片分享率 5.3%，係其他貼文嘅幾十倍
  ——嗰條片嘅題材同寫法，就係我之後要複製嘅公式。
  

仲有廣告數據：
每條 campaign 嘅花費、曝光、點擊、CTR、CPC，全部港幣顯示，同自然內容擺埋一齊睇。

最有用嗰部分：AI 唔止俾表你睇

每個平台底下有一張「🤖 AI 表現分析＋建議」。

佢會讀你嘅真實數據
——每日數字、每篇貼文、每個 caption
——然後俾你：

1. 表現分析：
   引用你嘅具體數字同日期，指出 pattern、高峰同異常。唔係「你嘅互動不錯」呢類行貨。
   

2. 3 個可執行建議：
   每個建議都要講明「根據邊個數據點」，同埋「聽日就做得到」嘅具體行動。

我特別要求佢唔好吹捧、有問題要直接指出。
你唔係想要一個讚你嘅 AI，你想要一個睇得穿你盲點嘅顧問。

分析每 7 日自動更新一次，你亦可以自己撳更新。

你嘅數據，係你嘅

呢點我要講清楚：

呢個工具用你自己嘅 Windsor.ai 帳戶連接數據
（Windsor 係一個獨立第三方工具，專門負責安全咁由各平台抽數據）。
所有平台授權都喺你自己個 Windsor 度做，我掂唔到你嘅密碼，
亦冇任何人可以睇到你嘅完整 API key
——條 key 用 AES-256 加密儲存，連我自己都睇唔到。

你隨時可以一撳刪除連結，所有數據同分析即刻清走。

點開始？

成個過程大約 5 分鐘：

1. 用免費帳戶註冊 Windsor.ai（有 30 日試用，之後免費版都用到）

2. 喺 Windsor 撳 「Add data」連結你有嘅帳戶

3. 複製佢俾你嗰條網址

4. 返嚟貼落「連結數據」頁，揀你想顯示邊個帳戶

我做咗一版連截圖嘅圖文教學，每一步都有實際畫面同紅框標示
——喺 dashboard 撳「📖 圖文教學」就見到。

👉 入口：
登入後撳你個頭像 →「社群 Dashboard」→「AI 數據分析庫」

一個小提醒：頭一次試用，建議先連結 1-2 個帳戶就好。
Windsor 免費版夠用，但連得太多可能要升級佢哋嘅 plan
（嗰個係你同 Windsor 之間嘅費用，同我哋收費無關）。
試順手咗先再加。

收費

你而家嘅 Wanderer 付費會籍已經包咗基本計劃
——每個平台可以顯示 1 個帳戶，即係一個品牌嘅全套數據＋AI 分析。唔使加錢。

如果你有多過一個品牌、或者手上有幾個 IG 想一齊睇：

隨時可以自己升級或者取消，全部喺網站度撳掣就得。

最後想講嘅

做個人 IP 最難嘅唔係「出多啲貼文」，係知道邊啲嘢有用、邊啲純粹係做咗。

我見過太多人做咗半年內容，問佢「邊條片帶到最多客」，佢答唔到。
唔係佢唔勤力，係佢冇一個地方睇得清楚。

呢個工具就係想解決呢件事。你唔需要變成數據分析師，
你只需要每個星期花五分鐘，睇一次系統幫你整理好嘅重點同建議。將數據變成你睇得明嘅資訊

歡迎大家快啲試吓用

《按此前往工具》

—— Heidi